Drava.info ekskluzivno vam donosi ulomak iz novog romana koprivničkog književnika Marka Gregura ‘Kak je zgorel presvetli Trombetassicz’ koji će svjetlo dana ugledati ovoga siječnja.
Roman je pisan na podravskom kajkavskom s primjesama predgajskog pravopisa, što ga čini jedinstvenim i, prema riječima urednika Krune Lokotara, “dvostruko heretičnim za suvremenu hrvatsku književnost”.
Radnja se zbiva u Koprivnici u drugoj polovici 17. stoljeća, u doba Zrinsko-Frankopanske bune. Magistrat – gradska uprava – spletkari s ciljem pobjede na predstojećim izborima. Pokreće javno-privatno partnerstvo za gradnju štala, smješta protivnicima, manipulira varoškim sajmom… Kroz sve to provlači se i pokušaj emancipacije od njemačkog elementa, odnosno stjecanja veće narodne samostalnosti. Pripovjedač je Paulus Aytich, službenik u magistratu koji vjeruje kako će u zavjeri izvući za sebe korist, moć i ljubav.
“Kak je zgorel presvetli Trombetassicz je povijesno-politička satira i gorka humoreska kojom se Marko Gregur predstavlja kao zreo, nadahnut i duhovit autor koji nam otvara škrinju zaboravljenog blaga i pokazuje da na tom svijetu, stalna samo ljudska priroda jest”, piše na koricama urednik izdanja Kruno Lokotar.
Jen
Odma vjutro, skoro su ga pregazile svinje. Onaj blesavi Mihalj od Čelavoga Matije teral ih je kak da su Turci z Kanjiže navalili. Grdo ga je vudrilo od gda je pred nekolko let bez žene ostal i od onda mu se v glavi šubekaju oblaki. Ja sem bil mam blizu, išel sem z Ciglenice i se sem dobro videl – sudec je prešel po Starim Brežancima i da bu krenul desno prema festungu i magištratu gda je ovaj nahajcal te nesrečne odojke.
Zakolčal mu je se po spisku, a Mihalj ga je zbunjeno gledel dok su svinje bežale okoli njega.
„Oprostite gospon sudec Trombetassicz! Sa je krivica moja!“
„A da čija bi bila?! Al kaj to znači ve gda meni herc preskače? Odi vrit i ti i tvoji pajceki!“
Vriščal je tak kaj se je voda v bereku gubala. Ne ni čudo kaj su se tu mam još tri zgublene glave našle.
„Dobro jutro, gospon sudec!“
„Dobro jutro! Kakseprosimlepoimajugosponsudec?“
„Cifrasto pozdravlam, milostivi sudec!“
I predi nego mi, taj bu momentum dojahal do magistrata i zadnje hiže v Miklinovcu ili Severovcima.
„Gospon sudec, ste dobro?“ priskočil sem vu pomoč i pokazal mu kaj bi pomalo prešli.
Tak je se počelo. Svinje! I sud, kak drugač, v Podravini.
I je, spretni fiskus Nicolaus Natulia zagrizel je toga momentuma i z svojega ga jezika ponudil sucu, još krvavoga i žilavoga.
„Georgio“, rekel je, kaj je značilo da je grdo, gda se je sudec sel.
„No se sednemo. Kaj te treba nuditi?“
„Najlepše zafalujem! Georgio…“ i več mu se prsti bole križaju neg župniku Poderkoviču.
Navek čeka predi nego nekaj veli i skoram da mu moreš videti misli kak mu frflaju po glavi. Vusnice su mu malo razmeknjene i vide mu se dva štršeča zuba, koji stoje kak gradska vrata gda se klip zaglavi na pol.
„Georgio“, veli polefko i z tulko težinjave, kak da je saki glas zdelani od olova.
Sedi v toj foteli, onak sitni, samo z tim smešnim črevom prek kojeg je nategnjena svila, a drugač mršavi kak čokot i ne je za verovati da je v Bologni študije napravil.
„… ti znaš da budu skoram izbori“, veli, i dale žmirečki.
Drži se kak puran i negda mi baš ide na živce gda tak jasne stvari zgovarja kak najvekše mudrosti. I ne samo on. Notarijuši pogotovo. Kaj su se zapisali ovi predi mene. To ni Jezuš ne bi mogel samo tak oprostiti. Ja inače i nesem samo notarijuš. Kaj god! To je samo početek. Meni se vidi da bi ja mogel ziti kak i Ivan Martinkovicz kaj je prešel v Zagreb. Bil je literat i prvo je služil kak iuratus notarius da bi potlam postal sudec Gradeca. I ja sem več literat. Se zapisuvam kaj se dogaja i malo to nacifram. Se, baš se o našoj Koprivnici. To se zove roman. To bude nekaj slično kak Prvi otca našega Adama greh kaj ga je napisal Juraj Habdelič, al malo manje jer je sudec več pital gde je paper. Pisal sam mu pismo v kojemu sem ga pital jel bi morti mogel pokazati toga rukopisa nekomu od onih kaj su njemu knigu objavili z Kongregacije za propagandu vere, al se je zgledi zagubilo.
Moral bi otiti v Zagreb ili Varaždin, kak i Martinkovicz, tam je se. Negda bu i pri nama tak. Ja i o tome pišem. Ne samo o onome kaj je, neg i o onome kaj bu. Zovem to zutrašnja dogajanja zapisuvana fčera.
„Kak to misliš Natulia?“
„Naj vikati po gradu. Kaj misliš, jel bu sad Mihalj bil za tebe? Ti si več v kampanji i tak se ponašaj, če nečeš zgubiti elekcijanuše.“
Trombetassicz se nakašla kaj dobi na vremenu, al se nikaj ne doseti.
„I kaj predlažeš?“
„Turčini su prava pretnja! O njima pripovedaj. O tome kak se buju vrata kesneje zapirala. O porezima.“
Ve su mu oči bile otprte, a reči letele kak sever z snegom.
„I Mihalja trebaš na svoju stran obrnuti.“
Rekel je da ima prav, al da se tom bedaku ne misli moliti.
„Kaj ve napraviti?“ pital je sudec.
„Pošlemo maloga kaj najde Mihalja. Nek ga mam dopela sim. A dale bumo vidli.“
„A kaj velite…“ nekaj sem štel reči.
„Hodi, no. Hodi“, odmahuval je Natulia z onom povehnjenom rukicom.
Pak sem i otišel. Misleči kak je taj Trombetassicz ve kak i to kaj ja pišem – ima nekaj kaj mu se nesrečno vleče od fčera i nekaj kaj mu se sprema vleči zutra. Trautmansdorf i Mihalj. I pak Trautmansdorf, zutra.
Zrak je vuni bil lepi. Prihajala je pramalet. Sonce je grelo več tri dneva i vulice su bile suhe. Nigde ni najmanšega blata. To se je sudec dobro setil. Da zaposli jeno deset-petnajst ljudi kaj z zubačama lepo poravnavaju vulice, kaj se brže posuši, a po leti ih škrope kaj nam nejde tak fest prašina v oči. Neki su mu odma počeli prigovarjati da je to najobičnejši populizmuš kaj dobi glase i da je zaposlil se same poznate. Al sejeno ih vidim da se furt vleču po vulicama, mam prvi za zubačama. A Trombetassicz je posle zadnjih izbora ukinul te posle i uvel javne radove. Onda pak ni bilo dobro. Imali smo čak i sude. Fiskus Natulia je to lepo speljuval. Tužili smo ih i ja sem lepo pisal kaj je Natulia povedal: „…zato da po zapovedi goszpona szucza na sztanovite varaske szlusbe izversenie red nad nimi buducsi neszu dosli. Zato pravde iz nih proszi.“
O, kak se stvar obrnula! Mam se zabilo onih petnajst kaj su delali i si su bili protiv ovoga, a sudec je rekel da on neje štel tak, al su ga drugi na to naterali, tak da bu pravice. Lepo su penezi ostali v kasi, Trautmansdorf koji je najviše lajal je ostal posran, a vulice su ostale na mestu. Ljudi se se zmotavali, kaj buju siromahi. Jakec je rekel da ie Susnicsa meszto sebe naiemsi poslal, koteri pako poklakam ie na szlusbe bil, szebe absoluvati proszi. Smo ga absoluvali, se razme. Naj ne pozabi, ne. Neki su rekli da orusia nemaiucsi neszu imeli sz kem doiti na recsenu szlusbu. Pa im je Natulia odrapil po tri dukata sakome i lepo obrazložil da se Jakec oslobađa, a kai sze drugeh dosztoji, oni vszaki poszebe tri dukate zaosztaiu, niti ih ne ispricsava sto vele da orusia neszu imeli, kotero (buducsi im ie zapoved bila) ako ie doma ne bili imeli, drugde bi ie bili poszuditi mogli.
I ve je par muži hodalo po vulici, al Mihalja ni bilo na vidiku. Bil je negde vuni z svinjama, kaj sem si i mislil, al se nesem štel pogovarjati, jer bi ga itak moral iti iskati. Prešel sem malo po vulicama, poleg cirkvi, i skroz na drugu stranu, vun, do Pijačne. Tam je bilo pet husarov, stajali su poleg konji i spominjali se o novoj dekli pri Mici, koja je došla z Hrženice, i jeden mušketir, Walthosar Gasiuoda, koji je više put poklopil sve nas pri Črnomu biku, i na nogama išel vun, držeči se samo za sablju. Pozdravil sem i prešel nazaj.
Natulia je štrčal s prozora kak klopotec i mahal mi nek dojdem gore.
„Si ga našel?“ pital je sudec.
„Nesem.“
„On je negde z svinjama“, rekel je fiskus, i pak je sakoga slova omotal z mistikom.
„Pak imaš praf “, rekel je sudec i ja sam si mislil kakovi tek mi moramo biti, ako nam je sudec takov.
„I ja sem odma mislil da je Mihalj…“
„No, no, nego“, spleli su se prsti i zaprle joči našega fiskusa. „Gda si ti halosil, ko zna kud, mi smo se zmislili kaj bi bilo biti treba vučiniti.“
Ponavlal sam te reči kaj bum ih mogel zapisati.
„Noooo?“ otprl je oči i gledel vu mene.
„Prosim lepo?“
„Te ne zanima kaj bi…“
„… bilo biti treba vučiniti.“
Malo se osmehnul, čak i protiv vole.
„Sikak tak, je.“
„Me zanima gospon fiskus.“
„Ti znaš da je on pred negde štirimi leti bez žene imel ostati?“
„Baš sem to vjutro imel na pameti.“
„Al ako se dobro sečam, nikakov se mač neje potegnul ili kaj. Nego su nekakve sveče v pitanju bile.“
„Je, bilo je nekaj čistam drugač. Neje on pravi…“
Pak mi je Natulia rekel kaj prejdem i najdem zapisnika o tome. Bumo vidli kaj piše i znali kak dale.
